திருக்கோஷ்டியூர்; திருப்புத்தூர் அருகே பட்டமங்கலம் அஷ்டமாசித்தி தட்சிணாமூர்த்தி கோயிலில் இன்று குருப்பெயர்ச்சி சிறப்பு ஹோமம் துவங்கியது.

இந்தாண்டு குருப்பெயர்ச்சியில் சுக்கிரனின் ராசியான ரிஷப ராசிக்கு குடிபோகிறார். மே 1ல்  மாலை 14:29 மணிக்கு ரிஷப ராசிக்கு பெயர்ச்சியாவார். அதை முன்னிட்டு மாவட்டத்தின் புகழ்பெற்ற குருத்தலமான பட்டமங்கலம் தட்சிணாமூர்த்தி கோயிலில் இன்று குருப்பெயர்ச்சி சிறப்பு ஹோமம் நடைபெறுகிறது. இன்று காலை 9:00 மணிக்கு ஹோமம் துவங்குகிறது. மதியம் 12:00 மணிக்கு பூர்ணா குதி தீபாரதனை நடைபெறும். மூலவருக்கு அபிஷேக , ஆராதனைகள் நடைபெறும். குருப்பெயர்ச்சியன்று மூலவர் மற்றும் கோபுரங்களுக்கு சிறப்பு தீபாராதனை நடைபெறும்.  ஏற்பாட்டினை கோயில் நிர்வாகத்தினர் செய்கின்றனர்.