காஞ்சிபுரம் : காஞ்சிபுரம் அடுத்த, கம்மவார்பாளையம் கிராமத்தில், வேணுகோபால சுவாமி கோவில் உள்ளது. இங்கு, ஆண்டுதோறும் ராமநவமி விழாவை முன்னிட்டு, பத்து நாள் உற்சவம் நடக்கும். பத்தாவது நாளில்,கோதண்ட ராமர், சீதை திருக்கல்யாணம் நடக்கும். நேற்று முன்தினம், இரவு 9:00 மணி அளவில், வேணுகோபால சுவாமிக்கு பட்டாபிஷேகம் மற்றும் விடையாற்றி உற்சவம் நடந்தது. இந்த உற்சவத்தில், வேணுகோபால சுவாமி, சீதாதேவி, லட்சுமணர் மற்றும் ஆஞ்சநேயர் ஆகியோர் மலர் அலங்காரத்தில் எழுந்தருளி வீதியுலா வந்தனர்.