துவாரகா; சுதந்திர தினத்தை ஒட்டி, டில்லி துவாரகா செக்டார் 7-ல் அமைந்திருக்கும் ஸ்ரீ ராம் மந்திரில், உலக நன்மை வேண்டி, ஸ்ரீ ஹனுமன் சாலிசா அகண்ட பாராயணம் நடைபெற்றது. நேற்று காலை 8:30 மணிக்கு கணபதி பூஜையுடன் துவங்கியது. தொடர்ந்து ஸ்ரீ ஹனுமனுக்கு சிறப்பு அபிஷேகம், சகஸ்ரநாம அர்ச்சனை நடைபெற்றது. அதன்பின், காலை 9:30 முதல் மாலை 4:30 மணி வரை ஸ்ரீ ஹனுமன் சாலிசா அகண்ட பாராயணம் நடைபெற்றது. திரளான பக்தர்கள் பங்கேற்று பாராயணம் செய்தனர். இதையடுத்து, ஆஞ்சநேயருக்கு வடைமாலை சாத்தி, அலங்காரம் செய்யப்பட்டு தீபாராதனை நடந்தது.