கோவை; கோவை நேரு ஸ்டேடியம் அருகே உள்ள  ஆடிஸ் வீதியில் அமைந்துள்ள கருமாரியம்மன் கோவிலில் ஐப்பசி இரண்டாவது செவ்வாய்க்கிழமையை முன்னிட்டு சிறப்பு வழிபாடு நடைபெற்றது. விழாவில் அம்மனுக்கு சிறப்பு அபிஷேகம் மற்றும் பூஜைகள் நடந்தன. இதில் வெள்ளி காப்பு கவசத்தில் மஞ்சள் மற்றும் புஷ்ப அலங்காரத்தில் அம்மன் பக்தர்களுக்கு அருள் பாலித்தார். இந்த நிகழ்ச்சியில் ஏராளமான பக்தர்கள் கலந்து கொண்டு தரிசனம் செய்தனர்.