சிங்கம்புணரி; பிரான்மலையில் கார்த்திகை தீபத்திற்காக புதிய கொப்பரை தயாரிக்கப்பட்டு விழாக் குழுவினரிடம் வழங்கப்பட்டது. சங்க இலக்கியத்தில் பாடப்பெற்றதும் பாண்டிய நாட்டு 14 திருத்தலங்களில் ஐந்தாவது சிறப்புக்குரியதுமான திருக்கொடுங்குன்றம் என்ற பிரான்மலை 2000 அடி உயரமுடையது. இம்மலை உச்சியில் திருக்கார்த்திகையை முன்னிட்டு நாளை மாலை கார்த்திகை தீபம் ஏற்றப்படுகிறது. இதற்காக இந்த ஆண்டு முதல்முறையாக 165 லிட்டர் கொள்ளளவு கொண்ட இரண்டரை அடி உயர கொப்பரை பக்தர்களால் தயாரித்து வழங்கப்பட்டது. சிங்கம்புணரி சேவுகப்பெருமாள் ஐயனார் கோயிலில் சிறப்பு வழிபாட்டுக்கு பிறகு பல்வேறு கோயில்களில் வழிபாடு செய்யப்பட்டு பிரான்மலை கோயிலில் கொப்பரை ஒப்படைக்கப்பட்டது. நாளை காலை விழாக் குழுவினரால் கொப்பரை மலை உச்சிக்கு கொண்டு செல்லப்பட்டு மாலையில் கார்த்திகை தீபம் ஏற்றப்படுகிறது.