மார்கழி மாதம் அனைத்து பெருமாள் கோயில்களிலும் பகல் பத்து, இராப் பத்து உற்சவம் நடக்கும். வைகுண்ட ஏகாதசிக்கு முந்தைய பத்து நாட்கள் நடப்பது பகல் பத்து உற்சவமாகும். தமிழகத்தில் ஆழ்வார்திருநகரி, ஸ்ரீவில்லிபுத்தூர், ஸ்ரீரங்கம் ஆகிய மூன்று திவ்யதேசங்களில் மட்டும் வைகுண்ட ஏகாதசியை ஒட்டி அரையர் சேவை நடக்கிறது. வைகுண்ட ஏகாதசிக்கு முந்தைய பத்துநாட்களை பகல் பத்து என்றும், (மார்கழி அமாவாசைக்கு அடுத்த பிரதமை முதல் தசமி வரை) வைகுண்ட ஏகாதசிக்கு பிறகு வரும் பத்து நாட்களை (ஏகாதசி முதல் பஞ்சமி வரை) ராப்பத்து நாட்களாகவும் கொள்வர். ஸ்ரீவில்லிபுத்தூரில் மார்கழி தவிர ஆடி,தை மாதங்களிலும் அரையர் சேவை உண்டு. கர்நாடகாவில் உள்ள மேல்கோட்டைநரசிம்மர் கோயிலில், அபிநயம் இல்லாமல் தாளத்தோடு மட்டும்அரையர் சேவை நடந்து வருகிறது.பெருமாளை போற்றி, ஆழ்வார்களின் பாடல்கள் பாடி, பரந்தாமனை வழிபடுவர். இந்நாளில் பெருமாளை வழிபட பரந்தாமனே வைகுண்டத்திற்கு அழைத்து செல்வார் என்பது நம்பிக்கை!