ப.வேலூர்: பகவதியம்மன் கோவில் திருவிழாவில், 100க்கும் மேற்பட்ட பக்தர்கள் குண்டம் இறங்கி அம்மனுக்கு வேண்டுதலை நிறைவேற்றினர். ப.வேலூர் அடுத்த ஆணங்கூரில் பகவதியம்மன் கோவில் உள்ளது. இக்கோவிலில் ஆண்டு தோறும் தேர்த்திருவிழா வெகுவிமரிசையாக கொண்டாடப்படுவது வழக்கம். இந்த ஆண்டு விழா முன்னிட்டு நேற்று முன்தினம் மாலை 6 மணிக்கு காவிரி ஆற்றுக்கு சென்ற, 100க்கும் மேற்பட்ட பக்தர்கள், புனித நீராடி ஊர்வலமாக வந்து, கோவில் முன் ஏற்படுத்தப்பட்டிருந்து குண்டத்தில் இறங்கி, அம்மனுக்கு தங்களது வேண்டுதலை நிறைவேற்றினர். நேற்று காலை பொங்கல் பூஜையும், இரவு, 7 மணிக்கு மாவிளக்கு பூஜையும் நடந்தது. இன்று (டிச., 3) காலை, 6 மணிக்கு கிடா வெட்டு, மாலை, 3 மணிக்கு அம்மன் திருவீதி உலா வந்து பக்தர்களுக்கு அருள்பாலிக்கின்றார். அதை தொடர்ந்து மஞ்சள் நீராட்டு விழா நடக்கிறது. ஏற்பாடுகளை கோவில் நிர்வாகிகள், ஊர் பொதுமக்கள் செய்துள்ளனர்.