பெ.நா.பாளையம்; பெரியநாயக்கன்பாளையம் அருகே நாயக்கனூரில் உள்ள லட்சுமி நரசிங்க பெருமாள் கோயிலில் பிரம்மோத்ஸவ விழா துவங்கியது.

இம்மாதம், 6ம் தேதி வெள்ளிக்கிழமை காலை திருமஞ்சனம், தொடர்ந்து, அன்ன கூட்ட உற்சவம் நடந்தது. 7ம் தேதி சேஷ வாகனம் புறப்பாடு, திருமஞ்சனம், சிம்ம வாகனம் புறப்பாடு, ஹம்ச வாகன புறப்பாடு நிகழ்ச்சிகள் நடந்தன. 8ம் தேதி காலை சூரிய பிரபை வாகனம் புறப்பாடு, திருமஞ்சனம், கருட வாகனம் புறப்பாடு, அனுமந்தவாகனம் புறப்பாடு நிகழ்ச்சிகள் நடந்தன. இன்று, 9ம் தேதி யானை வாகனம் புறப்பாடு, திருமஞ்சனம், நாச்சியார் திருக்கோலம், சந்திர பிரபை வாகனம் புறப்பாடு நிகழ்ச்சிகள் நடக்கின்றன. 10ம் தேதி கற்பக விருட்சம் வாகனம் புறப்பாடு, திருமஞ்சனம், யானை வாகனம், திருத்தேர் நிகழ்ச்சிகள் நடக்கின்றன. 11ம் தேதி குதிரை வாகனம் புறப்பாடு, திருமஞ்சனம், தொட்டி திருமஞ்சனம் நடக்கிறது. 12ம் தேதி திருமஞ்சனம், தீர்த்தவாரி, திருக்கல்யாண உற்சவம், திருக்கல்யாண புறப்பாடு நிகழ்ச்சிகள் நடக்கின்றன. நிகழ்ச்சி ஏற்பாடுகளை கோயில் நிர்வாகத்தினர் செய்து வருகின்றனர்.