திருப்பூர்: திருப்பூர் தெற்கு தாலுகா, உகாயனுார், குருநாதம்பாளையத்தில் உள்ள மஹா மாரியம்மன் கோவில் கும்பாபிஷேகம் வரும் 24-ம் தேதி நடைபெற உள்ளது.

நேற்று முளைப்பாலிகை மற்றும் தீர்த்தக்குடம் ஊர்வலம் விமரிசையாக நடைபெற்றது. சேமலைக்கவுண்டம்பாளையம் விநாயகர் கோவிலில் இருந்து தொடங்கிய இந்த ஊர்வலம், மேள தாள வாத்தியங்கள், வாண வேடிக்கை மற்றும் நடனமாடும் வெள்ளைக் குதிரைகளுடன் மஹா மாரியம்மன் கோவில் வரை கோலாகலமாக நடந்தது. இதில் நுாற்றுக்கணக்கான பக்தர்கள் கலந்துகொண்டனர். இன்று முதல் யாகசாலை பூஜைகள் தொடங்குகின்றன; வரும் 24-ம் தேதி அதிகாலை 5:45 மணி முதல் 6:45 மணிக்குள் மஹா மாரியம்மன் மற்றும் ஆலடி விநாயகர், செல்வ விநாயகர், மஹா மாரியம்மன், கன்னிமார் கருப்பராயர் மற்றும் பரிவார தெய்வங்களுக்கு மஹா கும்பாபிஷேகம் நடைபெற உள்ளது. இதற்கான ஏற்பாடுகளைத் திருப்பணி மற்றும் விழா குழுவினர்; குருநாதம்பாளையம், சேமலைக்கவுண்டம்பாளையம் ஊர் பொதுமக்கள் செய்து வருகின்றனர்.