சென்னை: தி.நகரில் உள்ள திருமலை திருப்பதி தேவஸ்தான பெருமாள் கோவிலில், புரட்டாசி சனிக்கிழமையை முன்னிட்டு இன்று சுவாமி தரிசனம் செய்ய பக்தர்கள் கூட்டம் அலைமோதியது.

தி.நகரில், திருமலை திருப்பதி தேவஸ்தான பெருமாள் கோவில் உள்ளது. இங்கு, புரட்டாசி மாத சனிக்கிழமைகளான, இன்று, அதிகாலை நடைதிறக்கப்பட்டு 4:00 மணி முதல் 6:30 மணிவரை சுப்ரபாதம் மற்றும் அபிஷேகம் நடைபெற்றது. தொடர்ந்து காலை 6:30 மணி முதல் 7:30 மணி வரை நைவேத்தியம், காலை 7:30 மணி முதல் சர்வ தரிசனம் நடந்தது. இதில் சுவாமி தரிசனம் செய்ய பக்தர்கள் கூட்டம் அலைமோதியது. வரும் அக்., 3, 10, 17 ஆகிய தேதிகளில் சிறப்பு வழிபாடு நடைபெறுகிறது.