கமுதி: கமுதி அருகே செய்யாமங்களம் கிராமத்தில் பூங்குழலி அம்மன் பொங்கல் விழா ,அய்யனார் கோயில் குதிரை எடுப்பு விழா நடந்தது. இதனை முன்னிட்டு அபிராமம் பிடிமண் வழங்கப்பட்டது. தினந்தோறும் அய்யனார், பூங்குழலிஅம்மனுக்கு சிறப்பு பூஜை நடந்தது. மண்ணால் செய்யப்பட்ட விநாயகர்,கருப்பணசாமி,அய்யனார், தவழும் பிள்ளைகள் அபிராமம் சுப்பிரமணிய சுவாமி ,சப்பாணி கோயில், பஸ் ஸ்டாண்ட் உள்ளிட்ட முக்கிய வீதியில் ஊர்வலமாக 10 கி.மீ., மக்கள் தூக்கி வந்தனர்.பின்பு கிராமத்தில் வைத்து கடந்தாண்டு விளைந்த தானியங்களை படையலிட்டு இந்தாண்டு இயற்கை சீற்றங்களில் இருந்து தங்களை பாதுகாத்து விவசாயம் அதிக மகசூல் கிடைத்திட வேண்டி பக்தர்கள் கூட்டுப் பிரார்த்தனையில் ஈடுபட்டனர். பின்பு அய்யனார் கோயிலில் வைத்து சிறப்புபூஜை செய்தனர். பூங்குழலி அம்மனுக்கு பொங்கல் வைத்து நேர்த்திக்கடன் செலுத்தினர்.ஏற்பாடுகளை செய்யாமங்களம் மக்கள் செய்தனர்.