காஞ்சிபுரம்: கூரம் கிராமத்தில் உள்ள, கொள்ளாபுரி அம்மன் கோவில் கும்பாபிஷேகத்தையொட்டி, நாளை(24ம் தேதி) யாக சாலை பூஜை துவங்குகிறது. காஞ்சிபுரம் அடுத்த கூரம் கிராமத்தில், கொள்ளாபுரி அம்மன் கோவில் உள்ளது. இக்கோவில் கிராம மக்களால், சமீபத்தில் புதுப்பிக்கப்பட்டது. திருப்பணி முடிந்து, நாளை மறுதினம் கும்பாபிஷேகம் நடைபெற உள்ளது. கும்பாபிஷேகத்தையொட்டி நாளை மாலை 5:00 மணிக்கு, மகா கணபதி பூஜை, லட்சுமி பூஜை, வாஸ்து சாந்தி, பிரவேச பலி, யாகசாலை பூஜைகள், ஹோமங்கள் நடைபெற உள்ளன. நாளை மறுதினம்(25ம் தேதி) காலை 7:00 மணிக்கு, யாகசாலை பூஜைகள், ஹோமங்கள், 7:30 மணியிலிருந்து 9:00 மணிக்கும் கும்பாபிஷேகம் நடைபெறும். அதைத் தொடர்ந்து மகா அபிஷேகம் மற்றும் அன்னதானம் நடைபெறும்.