திருவள்ளூர்: திருவள்ளூர் அடுத்த, புங்கத்தூரில் உள்ள முத்துமாரியம்மன் கோவிலில், சித்திரை பௌர்ணமியை ஒட்டி நாளை (25ம் தேதி), 108 திருவிளக்கு பூஜை நடைபெறுகிறது.மாலை, 5:30 மணிக்கு நடைபெறும் இப்பூஜையில் கலந்து கொள்ளும் பெண்களுக்கு, மந்த்ராலயம் ராகவேந்திர சுவாமியின், 48 நாள் சிறப்பு பூஜையில் வைக்கப்பட்ட ராகவேந்திரர் உருவம் பொறித்த, வெள்ளி டாலர் பிரசாதமாக வழங்கப்படும். நிகழ்ச்சி ஏற்பாடுகளை இந்து அன்னையர் முன்னணி அமைப்பினர் செய்து வருகின்றனர்.