திருக்கழுக்குன்றம்: திருக்கழுக்குன்றம் வேதகிரீஸ்வரர் கோவிலில், அன்னதான உண்டியல் திறக்கப்பட்டது. தமிழகத்தில், இந்து சமய அறநிலைய துறை கட்டுப்பாட்டில் உள்ள கோவில்களில், பக்தர்களுக்கு அன்னதான திட்டம் செயல்படுத்தப்படுகிறது. அதற்காக, கோவில்களில் அன்னதான உண்டியல் அமைக்கப்பட்டு, காணிக்கை பெறப்படுகிறது. ஒவ்வொரு மாத இறுதியிலும், கோவில் நிர்வாகம் சார்பில், உண்டியல் திறக்கப்பட்டு, அதில் கிடைக்கும் நிதியை, அன்னதான திட்டத்திற்கு பயன்படுத்தி வருகின்றனர். அதன்படி, திருக்கழுக்குன்றம் வேதகிரீஸ்வரர் கோவிலில் அமைக்கப்பட்டுள்ள அன்னதான உண்டியல், செயல் அலுவலர் முன்னிலையில் திறக்கப்பட்டது. இதில், 9,122 ரூபாய் இருந்தது.