திருநெல்வேலி: உலக நன்மைக்காக நெல்லை ஜங்ஷன் சாரதா எஸ்டேட்டில் சீதா கல்யாண மஹோத்ஸவம் கோலாகலமாக நடந்தது.நெல்லை ஜங்ஷன் மதுரை ரோடு சாரதா எஸ்டேட்டில் சீதா கல்யாண மஹோத்ஸவம் நேற்று முன்தினம் துவங்கியது. திருச்சி கல்யாணராமன் உபன்யாசம், ஈரோடு மீன ராகவி கர்நாடக இன்னிசை கச்சேரி, இரவு திவ்ய நாம தீப பிரதட்சணம் நடந்தது. சீதா கல்யாண மஹோத்ஸவமான நேற்று காலையில் சிறப்பு பஜனை, சீதா கல்யாண மஹோத்ஸவம், மாங்கல்ய தாரணம் கோலாகலமாக நடந்தது. வைபவத்தை வெங்கடேச பாகவதர் குழுவினர் நடத்தினர். பாலகுருநாதன், வேணுகோபால், கண்ணன், வைத்தியநாதன், வெங்கடேஸ்வரய்யர் உட்பட பலர் கலந்து கொண்டனர்.ஏற்பாடுகளை பணி நிறைவு பெற்ற மாவட்ட பதிவாளர் பி.எஸ்.சுப்பிரமணியன் குடும்பத்தினர் செய்திருந்தனர்.