வில்லியனூர்: வில்லியனூர், தென்கலை வரதராஜப் பெருமாள் கோவிலுக்கு புதிய தேர் செய்யும் பணியை முதல்வர் பார்வையிட்டார்.வில்லியனூரில், பழமைவாய்ந்த பெருந்தேவி தாயார் சமேத தென்கலை வரதராஜப் பெருமாள் கோவில் உள்ளது. இந்த கோவிலுக்கு, 60 லட்சம் ரூபாய் செலவில், புதிய தேர் செய்ய முடிவு செய்யப்பட்டது. தமிழக அரசு அங்கீகாரம் பெற்ற ஸ்தபதி கஜேந்திரனின் கைவண்ணத்தில், 36 அடி உயரம், 15 அடி அகலத்தில் சிற்ப சாஸ்திரப்படியும், ஆகம விதிப்படியும் தேர் செய்யும் பணி துவங்கியது. தேர் செய்யும் பணி நிறைவு கட்டத்தை எட்டியுள்ளது. புதிய தேரை, முதல்வர் ரங்கசாமி பார்வையிட்டார். திருக்காமீஸ்வரர் கோவில் தனி அதிகாரி மனோகரன், வரதராஜப் பெருமாள் கோவில் தனி அதிகாரி ஹரிஹரி நமோ நாராயணா உடனிருந்தனர்.