இடைப்பாடி: கொங்கணாபுரத்தில், அன்னை வேளாங்கண்ணி மாதா தேர்த்திருவிழா சிறப்பாக நடந்தது. கொங்கணபுரத்தில் உள்ள, வேளாங்கண்ணி மாதா கோவில் தேர்த்திருவிழா, கடந்த, 6ம் தேதி கொடியேற்றத்துடன் துவங்கியது. சேலம் மறை மாவட்ட அன்பியம், குடும்ப நல மறைப்பணி பணிக்குழுக்கள் இயக்குனர் பீட்டர்ராஜ் தலைமையில், திருவிழாவின் முக்கிய நிகழ்வான தேர்த்திருவிழா நடந்தது. ஏற்காடு கிளரிசியன் சபை தேவதாஸ், இடைப்பாடி பங்குதந்தை, பங்கு காரிய கமிட்டி உறுப்பினர்கள் உள்ளிட்டோர் கலந்து கொண்டனர்.