பண்ருட்டி: திருவதிகை வீரட்டானேஸ்வரர் கோவிலில் பிரதோஷத்தை முன்னிட்டு நந்திபகவானுக்கு சிறப்பு பூஜைகள் நடந்தது. பண்ருட்டி திரு வதிகை அம்பாள் பெரியநாயகி சமேத வீரட்டானேஸ்வரர் கோவிலில் நேற்று பிரதோஷத்தை முன்னிட்டு மூலவர் வீரட்டானேஸ்வரர், அம்பாள்  பெரியநாயகி மற்றும் நந்திபகவானுக்கு சிறப்பு பாலாபிஷேகம், பூஜைகள் நடந்தது. ஏராளமான பக்தர்கள் சுவாமியை தரிசனம் செய்தனர். இதேபோல் பண்ருட்டி சோமநாதசுவாமி, புதுப்பேட்டை காசிவிஸ்வநாதர், கோட்லாம்பாக்கம் சிதம்பரசுவாமிகள், திருத்துறையூர் சிஷ்டகுருநாத சுவாமி கோவில்களிலும் பிரதோஷ வழிபாடு நடந்தது.