ஆர்.எஸ்.மங்கலம் : ஆர்.எஸ்.மங்கலம் அருகே செங்குடி தூய மிக்கேல் அதிதூதர் ஆலய விழா நேற்று முன்தினம் மாலை கொடியேற்றத்துடன் துவங்கியது. முன்னதாக செங்குடி பங்கு பாதிரியார் சாமுஇதயன் கொடி அர்சிப்பு திருப்பலி நிறைவேற்றினார். பின்பு கொடியேற்றத்திற்கான திருப்பலி நிறைவேற்றப்பட்டு சிவகங்கை மறைமாவட்ட அதிபர் சேவியர் கொடிமரத்தில் விழா கொடியேற்றினார். கிராமத் தலைவர் சேவியர், செயலாளர் ஆரோக்கியமோரீஸ், பொருளாளர் சேவியர், பாதிரியார்கள் பெலிக்ஸ்ராஜ், அந்தோனி உட்பட பலர் பங்கேற்றனர். விழாவையொட்டி, தினமும் நவநாள் திருப்பலி நடக்கிறது. முக்கிய நிகழ்ச்சியாக செப். 28 ல், தேர்பவனியுடன் விழா நிறைவடைகிறது.