ஆத்தூர்: ஆத்தூர் சுற்றுவட்டார பகுதிகளில், தீபாவளி பண்டிகையொட்டி, கோவில்களில் நடந்த சிறப்பு பூஜையில், ஏராளமான பக்தர்கள் கலந்து கொண்டு வழிபாடு செய்தனர்.தீபாவளி பண்டிகையொட்டி, ஆத்தூர் அடுத்த, தென்பொன்பரப்பி சொர்ணபுரீஸ்வரர் கோவிலில், 5.5 அடி உயரத்தில், 16 முகங்கள் கொண்ட சொர்ணபுரீஸ்வரருக்கு, 16 வகையான அபிஷேகம் நடந்தது. பின்னர், வெள்ளிக் கவசம், புஷ்ப அலங்காரத்தில், சொர்ணபுரீஸ்வரர், சொர்ணாம்பிகை ஸ்வாமிகள், பக்தர்களுக்கு அருள்பாலித்தனர். அதேபோல், ஆத்தூர், வடசென்னிமலை பாலசுப்ரமணியர், கோட்டை காயநிர்மலேஸ்வரர், கைலாசநாதர், ஆறகளூர் காமநாதீஸ்வரர், வீரகனூர் கங்காசவுந்தரேஸ்வரர் உள்ளிட்ட கோவில்களில், தீபாவளி பண்டிகையொட்டி சிறப்பு பூஜைகள் நடந்தது. இதில், ஆத்தூர், தலைவாசல், வாழப்பாடி, கெங்கவல்லி சுற்றுவட்டார பகுதிகளை சேர்ந்த ஏராளமான பக்தர்கள் கலந்து கொண்டு வழிபாடு செய்தனர்.