பனைக்குளம்: அழகன்குளம் பாவடித்தெரு, பாலசுப்பிரமணியசுவாமி கோயிலில் வைகாசி விசாக வசந்த விழா நடந்தது. கடந்த மே 23 அன்று காப் புகட்டுதலுடன் தொடங்கியது. மாலையில் விளக்குபூஜை நடந்தது. மூலவருக்கு அபிஷேக ஆராதனைகள் செய்யப்பட்டு வெண்ணிற அலங்காரத்தில்  பக்தர்களுக்கு காட்சியளித்தார். ஒன்பது நாட்களுக்கும் ஆன்மிக சமயச்சொற்பொழிவுகள் நடந்து வருகின்றன. அழகிய நாயகி மகளிர் மன்றத்தலைவி  பிரேமாரத்தினம் குழுவினரின் திருப்புகழ் பஜனை நடந்தது. விழா ஏற்பாடுகளை டிரஸ்டி சிதம்பரநாதன், லோகநாதன் மற்றும் விழாக்குழுவினர்  செய்திருந்தனர்.