சிவகங்கை:சிவகங்கை பிள்ளைவயல் ஆர்ச் அருகேயுள்ள ஸ்ரீவிஷ்ணு துர்க்கை அம்மன் கோயிலில், ஆக.,7ல் காப்புக்கட்டுடன் ஆடிப்பூர உற்சவ விழா துவங்குகிறது. தினமும் காலை 9 மணி முதல் 11 மணி வரை திருசதி அர்ச்சனை, லட்சார்ச்சனை, துர்க்கா ஹோமம் உள்ளிட்ட சிறப்பு அபிஷேக ஆராதனை நடைபெறும். மாணவர்களின் கல்வி சிறக்க ஆகஸ்ட் 13ம் தேதி மாலை 6 மணிக்கு, சிறப்பு கல்வி யாகம் நடத்தப்படும். 16 அன்று காலை 7 மணி முதல் பகல் 1 மணி வரை பால்குடம், பறவை காவடி நடைபெறும். அன்று இரவு 7 மணிக்கு துர்க்கை அம்மன் சிம்ம வாகனத்தில் வீதி உலா வருவார். ஆகஸ்ட் 15ம் தேதி மகா சண்டிமகாயாகம் துவங்கி, ஆகஸ்ட் 16ம் தேதி இரவு யாகம் நிறைவு பெறுகிறது. ஏற்பாடுகளை ஆலய அர்ச்சகர் எஸ்.சிவமணி சிவாச்சாரியார் செய்து வருகிறார்.