ராமேஸ்வரம் : ராமேஸ்வரம் ராமநாதசுவாமி கோயில் ஆடித்திருக்கல்யாண திருவிழாயொட்டி நேற்று முன்தினம் இரவு அனுமான் சன்னதியில் பர்வதவர்த்தனி, ராமநாதசுவாமிக்கு திருமண நிச்சயதார்த்த பட்டயம் வாசிக்கப்பட்டது. தொடர்ந்து தங்கப்பல்லக்கில் தபசு மண்டகப்படிக்கு அம்பாள் எழுந்தருள நேற்று அதிகாலை 2 மணிக்கு பர்வதவர்த்தனி அம்பாள் சிறப்பு அலங்காரத்தில் மலர்களால் அலங்கரிக்கப்பட்ட பூப்பல்லக்கில் தோழியர்களுடன் எழுந்தருளி, முக்கிய வீதிகளில் உலா வந்து பக்தர்களுக்கு அருள் பாலித்தார்.