பவானி: பவானி தாலுகா, வைரமங்கலம் கிராமம் தில்லாளம்மன், பெரிய மாரியம்மன், சின்ன மாரியம்மன் கோவில் குண்டம் விழா, 19ம் தேதி பூச்சாட்டுதலுடன் துவங்கியது. கடந்த, 26ம் தேதி கம்பம் நடும் நிகழ்ச்சி நடந்தது. மே, 3ம் தேதி வைகை ஆற்றில் தீர்த்தம், அக்னி கரகம் எடுத்து வருதல், அன்றிரவு குண்டம் பூ போடுதல் துவங்குகிறது. 4ம் தேதி சக்தி அழைத்தல், பூ மிதித்தல், அன்னதானம், பொங்கல் வைத்தல், மாவிளக்கு எடுக்கும் நிகழ்ச்சி, நடக்கிறது. 5ம் தேதி கம்பம் எடுத்தல், மஞ்சள் நீராட்டு விழா நடக்கிறது. கூனம்பட்டி ஆதினம் நடராஜர் தலைமையில் விழா நடக்கிறது.