பதிவு செய்த நாள்
14
பிப்
2017
01:02
ராமநாதபுரம்: ராமநாதபுரம் முத்தால பரமேஸ்வரி அம்மன் கோயில் சிவராத்திரி திருவிழா பிப்., 16ல் துவங்குகிறது. ராமநாதபுரம் ஆயிர வைசிய மகாஜன சபை, தர்மதாவள விநாயகர், முத்தால பரமேஸ்வரி, ஆதிரெத்தினேஸ்வரர் நிர்வாகத்தில் உள்ள முத்தால பரமேஸ்வரி அம்மன் கோயில் சிவராத்திரி திருவிழா பிப்., 16ல் கணபதி ஹோமத்துடன் துவங்குகிறது. 17ம் தேதி காலை காப்பு கட்டுடன் கொடியேற்றப்படுகிறது. 18ல் சப்பரத்தில் அம்பாள் கோலாட்டத்துடன் வீதியுலா வருகிறார். 19ல் வேணுகானம், 20ல் கும்மி, கோலாட்டம், 21ல் ராஜாங்க அலங்காரம், 22ல் கமல வாகனம், 23ல் சிவ பூஜை, 24ல் பூமகள் திருக்கோல சேவையுடன் வீதியுலா வருகிறார். விழாவின் முக்கிய நிகழ்ச்சியாக பிப்., 25ல் தேரோட்டம், 26ல் கோயில் குளத்தில் மஞ்சள் நீராடல், 27ல் பால்குடம் புறப்பாடு மற்றும் மகா அபிஷேகம் நடக்கிறது. 28ல் உற்சவ சாந்தி அபிஷேகம், தீபாராதனை நடக்கிறது. ஏற்பாடுகளை தர்மதாவள விநாயகர், முத்தால பரமேஸ்வரி, ஆதிரெத்தினேஸ்வரர் தேவஸ்தான நிர்வாகிகள் செய்துள்ளனர்.