குமாரபாளையம்: குமாரபாளையம், எக்ஸல் கல்வி நிறுவன வளாகத்தில் வித்யா விநாயகர் ஆலயம் அமைக்கப்பட்டுள்ளது. மேலும், பல்வேறு சுவாமிகள் மற்றும் நவக்கிரக கோவில்கள் அமைந்துள்ளன. இங்கு கும்பாபிஷேக விழா நடந்தது. காலை, மங்கள இசையுடன் நிகழ்ச்சி துவங்கியது. காலை, 8:30 மணிக்கு கோபுர கலசங்களுக்கும், 8:45 மணிக்கு விநாயகருக்கும், 9:00 மணிக்கு பரிகார தெய்வங்களுக்கும் கும்பாபிஷேகம் நடந்தது. கோவில் வடிவமைப்பு பணிகளை, எக்ஸல் மற்றும் மேச்சேரி தி காவிரி கல்வி நிறுவனங்களின் கட்டட பொறியாளர் ஓபுளி தலைமையில், திருவாரூர் விக்கிரபாண்டியம் ஸ்தபதி ராதாகிருஷ்ணன் மேற்கொண்டார். திருமுருகன் பூண்டி முருகன் சிற்பக்கலைக் கூடம் சிற்பி யுவராஜ், சுவாமிகளின் சிற்ப திருமேனிகளை வடிவமைத்தார். ஏற்பாடுகளை கல்வி நிறுவனங்களின் நிறுவனர் நடேசன், நிர்வாக அறங்காவலர் பார்வதி நடேசன், துணை தலைவர் மற்றும் செயலாளர் மதன் கார்த்திக், கவியரசி மதன் கார்த்திக், பேபி ஈசனா மதன் கார்த்திக் மற்றும் கல்வி நிறுவனங்களின் நிர்வாகிகள், பேராசிரியர்கள் செய்திருந்தனர்.