திருத்தணி : மத்தூர் மகிஷாசுரமர்த்தினி அம்மன் கோவிலில், நேற்று, மூலவருக்கு, பாலாபிஷேகம் மற்றும் சிறப்பு பூஜைகள் நடந்தன.திருத்தணி முருகன் கோவிலின் உபகோவிலான மகிஷாசுரமர்த்தினி அம்மன் கோவில், மத்தூர் கிராமத்தில் உள்ளது.

இக்கோவிலில் நேற்று, சித்திரை மாத செவ்வாய்க்கிழமையையொட்டி, மூலவர் அம்மனுக்கு காலை, 8:00 மணிக்கு, 108 லிட்டர் பாலாபிஷேகம் நடந்தது. பின், மலர் அலங்காரம் மற்றும்தீபாராதனை நடந்தது.

மதியம், 12:00 மணிக்கு உச்சிகால பூஜையும், மாலை, 3:00 மணி முதல், 4:30 வரை ராகுகால பூஜையும் நடந்தது.கோவில் வளாகத்தில் திரளான பெண்கள் பொங்கல் வைத்து அம்மனுக்கு
படைத்து வழிபட்டனர். மாலை, 6:00 மணிக்கு, மூலவர் அம்மனுக்கு அலங்காரம் மற்றும் தீபாராதனை நடந்தது.

இதில், திருத்தணி, மத்தூர், புச்சிரெட்டிப்பள்ளி, பொன்பாடி உட்பட அதை சுற்றியுள்ள கிராமங்களில் இருந்து, ஆயிரத்திற்கும் மேற்பட்ட பக்தர்கள் கலந்து கொண்டு வழிபட்டனர்.