விருத்தாசலம்: விருத்தாசலத்தில் தெய்வச் சேக்கிழாருக்கு 16ம் ஆண்டு குருபூஜை விழா நடந்தது. விருத்தாசலம் சன்னதி வீதி, பக்தவச்சலு – அனுசுயா அம்மாள் திருமண மண்டபத்தில், திருமுதுகுன்றம் சேக்கிழார் செந்தமிழ்ச் சங்கம் சார்பில் 8ம் ஆண்டு துவக்க விழா மற்றும் 16ம் ஆண்டு தெய்வச் சேக்கிழார் குருபூஜை விழா நடந்தது. காலை 6:00 மணிக்கு மங்கள இசை, விடை கொடியேற்றம், குத்துவிளக்கு ஏற்றுதல், 6:30 மணிக்கு தெய்வச் சேக்கிழார் குருபூஜை, 7:00 மணிக்கு சிவபூஜை, சிவனடியார்கள் திருக்கூட்டம் நடந்தது. காலை 8:30 மணிக்கு கயிலாய வாத்தியங்கள் முழங்க தெய்வச் சேக்கிழார் வீதியுலா வந்து அருள்பாலித்தார். காலை 10:30 மணியளவில் திருமுதுகுன்றம் திருவாசகம் பன்னிரு திருமுறை கழகம் சார்பில் திருவாசகம் முற்றோதுதல், இறைவணக்கம் உள்ளிட்ட நிகழ்ச்சிகள் நடந்தன. ஏராளமானோர் தரிசனம் செய்தனர்.