சென்னை : ஸ்ரீ சத்யசாய் பாபாவின், 92வது பிறந்த நாள் விழாவை முன்னிட்டு, ஆன்மிக சொற்பொழிவு மற்றும் இசை நிகழ்ச்சிகள் நடக்க உள்ளன. சென்னை, ராஜா அண்ணாமலைபுரத்தில், தமிழக ஸ்ரீ சத்யசாய் சேவா நிறுவனங்கள் சார்பில், பகவான் ஸ்ரீ சத்யசாய் பாபாவின், 92வது பிறந்தநாள் விழாவை முன்னிட்டு ஆன்மிக நிகழ்ச்சிகள் நடக்க உள்ளன.இன்று மாலை, 5:00 மணிக்கு, சிக்கில் மாலா சந்திரசேகரின் புல்லாங்குழல் இசை நிகழ்ச்சி நடக்கிறது. நாளை மாலை, 5:00 மணிக்கு டாக்டர் டி.வேணுகோபாலின் பக்தியுரை நடக்கிறது. 18ம் தேதி மாலை, 5:00 மணிக்கு மாஸ்டர் சாய் கோவிந்தின் மாண்டலின் இசையும், மறுநாள் ஞாயிறன்று மாலை, 4:30 மணிக்கு பூஷணி கல்யாணராமனின் பக்தி பாடல்களும் இடம் பெறுகின்றன.21ம் தேதி மாலை, 5:00 மணிக்கு, குமாரி லட்சுமியின் பக்தி பாடல்கள் இசை கச்சேரி நடக்கிறது. 23ம் தேதி மாலை, 5:00 மணிக்கு சுந்தரம் பஜன் குழுவினரின் இசை நிகழ்ச்சியும், அதை தொடர்ந்து ஜூலா வைபவம் சுந்தரம் பஜனை குழுவினரின் பாடல்களும் இடம் பெறுகின்றன.