பதிவு செய்த நாள்
17
ஏப்
2018
01:04
மதுரை: மதுரை மீனாட்சி அம்மன் கோயில் சித்திரை திருவிழா கொடியேற்றம் நாளை (ஏப்.,18) காலை 10:05 - 10:29 மணிக்குள் நடக்கிறது.சித்திரை திருவிழாவில் முத்திரை பதிக்க மதுரை விழாக்கோலம் பூண்டுஉள்ளது. நாளை கொடியேற்றம், ஏப்.,25 இரவு 7:40 - 8:04 மணிக்குள் மீனாட்சி அம்மனுக்கு பட்டாபிஷேகம், ஏப்.,26 மீனாட்சி அம்மன் திக்கு விஜயம், ஏப்., 27 காலை 9:05 - 9:29 மணிக்குள் மீனாட்சி சுந்தரேஸ்வரர் திருக்கல்யாணம், ஏப்.,28 காலை 6:30 மணிக்கு மீனாட்சி சுந்தரேஸ்வரர் திருத்தேரோட்டம் நடக்கிறது.விழாவை முன்னிட்டு நன்கொடையாளர்கள் பக்தர்களுக்கு இலவசமாக வழங்க விரும்பும் தண்ணீர் பாட்டில்கள், பிஸ்கட் பாக்கெட்டுகள், மஞ்சள் கயிறு குங்குமம் பாக்கெட்டுகள் மற்றும் இதர பொருட்களை கோயில் அலுவலகத்தில் நேரடியாக வழங்கி ரசீது பெற்று கொள்ளலாம்.இதுதொடர்பாக தனி நபர், நிறுவனத்திடம் தொடர்பு கொள்ள வேண்டாம். யாரேனும் தனிப்பட்ட நபர்கள் அணுகினால் 0452 -234 9868 என்ற போனில் தகவல் தெரிவிக்கலாம், என கோயில் நிர்வாகம் தெரிவித்துஉள்ளது. விழா ஏற்பாடுகளை தக்கார் கருமுத்து கண்ணன், இணை கமிஷனர் நடராஜன் செய்து வருகின்றனர்.