ஆர்.கே.பேட்டை: வெள்ளாத்துாரம்மனுக்கு நேற்று, வெள்ளிக்கிழமையை ஒட்டி, சிறப்பு பாலாபிஷேகம் நடந்தது. திரளான பக்தர்கள் பங்கேற்று, அம்மனை வழிபட்டனர். ஆர்.கே.பேட்டை அடுத்த, வெள்ளாத்துார் கிராமத்தில் அமைந்துள்ளது, வெள்ளாத்துாரம்மன் கோவில். ஆர்.கே.பேட்டை, வங்கனுார், பொதட்டூர்பேட்டை, மத்துார், புச்சிரெட்டிபள்ளி உள்ளிட்ட, 50க்கும் மேற்பட்ட கிராமத்தினர், வெள்ளாத்துாரம்மனை குலதெய்வமாக வழிபட்டு வருகின்றனர்.தை மற்றும் ஆடி மாதங்களில், பொங்கல் வைத்து சிறப்பு பூஜை நடத்தி வருகின்றனர். நித்ய பூஜைகளும் நடக்கின்றன. வெள்ளிக்கிழமையை ஒட்டி, நேற்று காலை, 10:00 மணிக்கு, மூலவர் அம்மனுக்கு சிறப்பு பாலாபிஷேகம் நடத்தப்பட்டது. அதை தொடர்ந்து, மலர் அலங்காரத்தில் அருள்பாலித்த வெள்ளாத்துாரம்மனை திரளான பக்தர்கள் தரிசனம் செய்தனர்.