கடலுார்: கடலுார் துறைமுகம் ஐந்து கிணற்று மாரியம்மன் கோவில் செடல் உற்சவத்தை முன்னிட்டு நேற்று கொடியேற்றம் நடந்தது. அதனைத்தொடர்ந்து, மூலவர் அம்மன் சிறப்பு அலங்காரத்தில் அருள்பாலித்தார். பக்தர்கள் திரளாக சுவாமி தரிசனம் செய்தனர். தினமும் சுவாமி வீதியுலா நடக்கிறது. வரும், 3ம் தேதி காலை செடல் உற்சவம், இரவு 7:00 மணிக்கு ரத உற்சவம் நடக்கிறது. 4ம் தேதி இரவு 7:00 மணிக்கு புஷ்ப பல்லக்கும், 5ம் தேதி காலை 11:00 மணிக்கு அபிஷேக ஆராதனை, இரவு 7:00 மணிக்கு தெப்பல் உற்சவம் நடக்கிறது. தொடர்ந்து 6ம் தேதி இரவு 7:00 மணிக்கு மஞ்சள் நீராட்டு உற்சவம், 7ம் தேதி இரவு 7:00 மணிக்கு விடையாத்தி ஊஞ்சல் உற்சவம் நடக்கிறது.