திருக்கனூர்: செட்டிப்பட்டு முருகன் கோவிலில், 47ம் ஆண்டு தைப்பூச பால் காவடி விழா வரும் 21ம் தேதி நடக்கிறது.

திருக்கனூர் அடுத்த செட்டிப்பட்டு கிராமத்தில் உள்ள வள்ளி தேவசேனா சமேத முருகன் கோவிலில், 47ம் ஆண்டு தைப்பூச பால் காவடி விழா வரும் 21ம் தேதி நடக்கிறது. இதனையொட்டி, அன்று காலை 7:00 மணிக்கு சங்கராபரணி ஆற்றங்கரைக்கு சென்று கரகம் ஜோடித்து, சுவாமிக்கு பால்காவடி எடுத்து வரப்படுகிறது.

மஞ்சள் இடித்தல், மிளகாய் பொடி அபிஷேகம், அக்கினி சட்டி எடுத்தல், ஆகாய மாலை அணிவித்து செடல் உற்சவம் நடக்கிறது. காலை 9:30 மணிக்கு டயர் வண்டி இழுத்தல், வேல் அணிதல், தேர் இழுத்தல் நிகழ்ச்சிகள் நடக்கிறது. ஏற்பாடுகளை கிராம பொதுமக்கள் செய்து வருகின்றனர்.