கொடுமுடி: சிவகிரியில் நாளை பிப்., 10ம் தேதி, விநாயகர் கோவில் கும்பாபிஷேகம் நடக்க உள்ளது. கொடுமுடி, சிவகிரி ஜீவா தெரு பகுதியில், கற்பக விநாயகர், வேம்பரசு விநாயகர், ஐயப்பன் கோவில் உள்ளது.

இந்த கோவில் திருப்பணி நிறைவு பெற்ற நிலையில், கும்பாபிஷேக விழா, நாளை பிப்., 10ம் தேதி, காலை, 8:30 மணிக்கு நடக்கிறது. முன்னதாக, நேற்றிரவு பிப்., 8ம் தேதி,, 9:00 மணிக்கு, கிராம சாந்தி பூஜையுடன் கும்பாபிஷேக விழா தொடங்கியது.

இன்று பிப்., 9ம் தேதி, காலை, 6:00 மணி முதல், 9:00 மணி வரை, மஹா கணபதி, நவக்ரஹ ஹோமங்கள், தீர்த்தம் கொண்டு வருதலும் நடக்கிறது. மதியம், 3:00 மணிக்கு, சுவாமி திருவீதி உலா, முளைப்பாரி மற்றும் தீர்த்தக்குட ஊர்வலமும் நடக்கிறது. நாளை, காலை, 6:00 மணிக்கு, இரண்டாம் கால, யாக பூஜை, கோவில் விமானத்துக்கு கலசம் புறப்பாடு நடக்கிறது. காலை, 8:30 மணிக்கு, விமான கலசத்துக்கு, புனிதநீர் ஊற்றி கும்பாபிஷேகம் நடக்கிறது.