வியாபாரத்தில் லாப, நஷ்டம் சகஜம் என்றாலும், சிலரோ, எத்தனை தொழில் மாற்றினாலும் நஷ்டம் ஏற்பட்டு மனவருத்தத்திற்கு ஆளாகின்றனர். இதனால், கடன், மன உளைச்சல் என பல பிரச்னைகள் ஏற்படுகிறது. இதில் இருந்து மீள்வதற்கு எளிய பரிகாரங்கள் இருக்கின்றன. இதனை மேற்கொண்டால் படிப்படியாக லாபம் உயர்வதை கண்கூடாக அனுபவிக்கமுடியும். லட்சுமி குபேரருக்கு நவநிதிகளை வாரி வழங்கியவர் சிவபெருமான். அவருக்குரிய பிரதோஷ நாளில், லிங்கத்துக்கு விபூதி அபிஷேகம் செய்து வில்வஇலையால் அர்ச்சித்தால் தொழிலில் நல்ல லாபம் கிடைக்கும். திங்கள் கிழமைகளில் சிவன் சந்நிதியில் நெய் தீபம் ஏற்றி வழிபடுவதும் சிறந்த பரிகாரம். லட்சுமியின் அம்சமாகத் திகழும் பசுவிற்கு வெள்ளிக்கிழமையில் கீரை, பழம் கொடுத்தாலும் லாபம் பெருகும்.