பழநி: ஞாயிறு விடுமுறை, பங்குனி உத்திரவிழாவை முன்னிட்டு, பழநி முருகன் கோயிலில் குவிந்த பக்தர்கள் 3 மணிநேரம் காத்திருந்து சுவாமி தரிசனம் செய்தனர்.பங்குனிஉத்திரவிழாவை முன்னிட்டு, பழநி முருகன்கோயிலுக்கு வழக்கத்தை விட வெளியூர் பக்தர்களின் வருகை அதிகரித்துள்ளது.

இதனால் ரோப்கார், வின்ச் ஸ்டேஷனில் 2 மணிநேரம் வரை காத்திருந்து பக்தர்கள் மலைகோயிலுக்கு சென்றனர். பழநி தண்டாயுதபாணிசுவாமி பக்தர்கள் பேரவை சார்பில், 20அடிநீள அலகு குத்தி, தீர்த்தகாவடிகள் எடுத்துவந்தனர். ஈரோடு, திருப்பூர், தாராபுரம், கோவை உள்ளிட்ட பகுதிகளிலிருந்து ஏராளமான பக்தர்கள் தீர்த்தகாவடிகளுடன் குவிந்தனர். மலைக்கோயிலில் மூலவருக்கு தீர்த்த அபிஷேகம் செய்தனர். இதனால் பொதுதரிசன வழியில் சென்ற பக்தர்கள் 3 மணி நேரம் காத்திருந்து தரிசனம் செய்தனர். இரவு தங்கரதப்புறப்பாட்டில் ஏராளமான பக்தர்கள் பங்கேற்றனர்.