ராசிபுரம்: திருப்பதி வெங்கடாஜலபதிக்கு, ராசிபுரத்தில் இருந்து, 3 டன்னில், பூ மாலை அனுப்பப்படுகிறது. ஆந்திர மாநிலம் திருப்பதி வெங்கடாஜலபதி கோவிலில், தெலுங்கு வருடப்பிறப்பாக, யுகாதி விழா கொண்டாடப்படும்.

இதையொட்டி சேலம், கொங்கணாபுரத்தை சேர்ந்த, திருமலை திருப்பதி ஸ்ரீமன் நாராயணா நித்ய புஷ்ப கைங்கர்ய சபா டிரஸ்ட் சார்பாக, டன் கணக்கில் பூமாலை அனுப்பப்படும். இந்நிலையில், நித்ய புஷ்ப கைங்கர்யா சபாவிற்காக, ராசிபுரத்தில் இருந்து மலர்களை மாலைகளாக தொடுத்து அனுப்பும் பணி, கடந்தாண்டில் தொடங்கியது. நாளை (ஏப்., 6) யுகாதி விழா கொண்டாடப்படுகிறது. இதையொட்டி, ராசிபுரத்தில் மலர் தொடுக்கும் பணி நேற்று தொடங்கியது. வாசவி மஹாலில், காலை, 8:00 மணிக்கு மலர் துவங்கிய பணியில், 100க்கும் மேற்பட்ட பெண்கள், சாமந்தி, ரோஜா, மல்லிகை, துளசி, அரளி, மரிக்கொழுந்து, தாமரை, சம்பங்கி உள்ளிட்ட மலர்களை மாலைகளாக தொடுத்தனர். இதற்காக தமிழ்நாடு, ஆந்திரா, கர்நாடகாவில் இருந்து, 3 டன் மலர்கள் வாங்கி வரப்பட்டுள்ளன. இத்துடன், கரும்பு, தென்னம்பாளை, தென்னங்குருத்து, பாக்கு குலை, இளநீர் குலை, கூந்தப்பனை, மாங்காய் கொத்துகளும் லாரி மூலம் திருப்பதிக்கு அனுப்ப ஏற்பாடு செய்யப்பட்டுள்ளது. இப்பொருட்கள், நாளை திருப்பதியில் சமர்ப்பிக்கப்படும்.