மணவாளநல்லுார் :  கிருத்திகையையொட்டி விருத்தாசலம் மணவாளநல்லூர் கொளஞ்சியப்பர் சுவாமி சந்தனகாப்பு அலங்காரத்தில் பக்தர்களுக்கு காட்சி அளித்தார்.

கொளஞ்சியப்பர் கோவிலில் சித்தி விநாயகர், சுவாமிக்கு பால், தயிர், சந்தனம், இளநீர், பன்னீர், தேன், பஞ்சாமிர்தம் உள்ளிட்ட பொருட்களால் சிறப்பு அபிஷேகம், வெள்ளிக்கவசம் சாற்றி தீபாராதனை நடந்தது. கொளஞ்சியப்பர் சுவாமி சந்தனகாப்பு அலங்காரத்தில்  பக்தர்களுக்கு காட்சி அளித்தார். பகல் 11:30 மணியளவில் உற்சவ மூர்த்திகளுக்கு சிறப்பு வழிபாடு நடந்தது. கருவேப்பிலங்குறிச்சி சாலையில் உள்ள வேடப்பர் சுவாமிக்கு சிறப்பு வழிபாடு நடந்தது. ஏராளமானோர் தரிசனம் செய்தனர்.

விருத்தாசலம்: கிருத்திகையொட்டி, விருத்தாசலம் கோவில்களில் முருகன் சுவாமிக்கு சிறப்பு வழிபாடு நடந்தது.விருத்தாசலம் விருத்தகிரீஸ்வரர் கோவிலில், வள்ளி தெய்வானை சமேத சண்முக சுப்ரமணியர் சுவாமி, 28 ஆகம சன்னதியில் உள்ள குமரேச சுவாமிகளுக்கு  சிறப்பு அபிஷேக ஆராதனை நடந்தது.  சிறப்பு அலங்காரத்தில் சுவாமிகள் அருள்பாலித்தனர்.