கொளத்துாரில், 800 ஆண்டுகள் பழமையான, சோமநாத சுவாமி கோவிலில், 63 நாயன்மார்கள் சிலைகள் நிறுவ, பக்தர்கள், மூன்று ஆண்டுகளாக போராடி வருகின்றனர். கொளத்துாரில், 800 ஆண்டுகள் பழமையான, அமுதாம்பிகை உடனுறை, சோமநாத சுவாமி கோவில் உள்ளது.

இக்கோவில், ஹிந்து அறநிலையத் துறை கட்டுப்பாட்டில், 20 ஆண்டுகளுக்கு மேலாக உள்ளது. 18ம் நுாற்றாண்டைச் சேர்ந்த, மாதவ சிவஞான முனிவர் இயற்றிய, அமுதாம்பிகை பிள்ளைத் தமிழ் நுாலில், இக்கோவிலைப் பற்றிய பதிவுகள் உள்ளன. இக்கோவிலுக்குச் சென்று வழிபடுவோருக்கு, சந்திரதோஷம் நிவர்த்தி ஆகும் என்ற ஐதீகம் உள்ளது. கோவிலின் வலதுபுறம், 65 அடி நீள சன்னிதியில், கொளத்துார் பகுதியைச் சேர்ந்த சீதாராமன் என்பவர், 63 நாயன்மார்கள் சிலை நிறுவ, ஹிந்து அறநிலையத் துறையிடம் அனுமதி கேட்டிருந்தார். இதையடுத்து, 2016ல், 1.60 லட்சம் ரூபாய் மதிப்பீட்டில், 63 நாயன்மார்கள் சிலை பிரதிஷ்டை செய்ய, அனுமதி வழங்கப்பட்டது.