திருப்பூர்:கஞ்சம்பாளையம், ஸ்ரீ செல்வ விநாயகர் கோவில், கும்பாபிஷேகம், வரும்  11ல் நடக்கிறது.திருப்பூர், கஞ்சம்பாளையம் ஸ்ரீ செல்வ விநாயகர், மகா  மாரியம்மன் கோவில் கும்பாபிஷேக விழா, இன்று (ஜூலை., 9ல்) துவங்குகிறது.

காலை, 8:30 மணிக்கு அனுக்ஞை, விக்னேஷ்வர பூஜை, புண்யாகவாசனம், யாகசாலை அலங் காரம் நடக்கிறது; மாலை, 5:30 மணிக்கு, வாஸ்து சாந்தி, அங்குரார்ப்பணம், கும்ப அலங்காரம், யாகசாலை பிரவேசம், முதற்கால யாக பூஜை, பூர்ணாஹூதி நடக்கிறது.

பிற்பகல், 3:00 மணிக்கு, கருப்பராயன் கோவிலிலிருந்து, மேளதாளத்துடன் முளைப்பாரி, தீர்த்த குடம் எடுத்துவரப்படுகிறது.நாளை  (ஜூலை., 10ல்) காலை,  9:00 மணிக்கு, விக்னேஷ்வர பூஜை, இரண்டாம் கால யாக பூஜை, ஸ்துாபிஸ்தாபனம்; மாலை, 5:30 மணிக்கு, மூன்றாம் கால யாக பூஜை, யந்த்ர  ஸ்தாபனம்.வரும், 11ம் தேதி காலை, 5:45 மணிக்கு நான்காம் கால யாக  பூஜையை தொடர்ந்து, 9:30 மணிக்கு, செல்வ விநாயகர், மகா மாரியம்மன்  கும்பாபிஷேகம் நடக்கிறது.

மதுரை மீனாட்சி சுந்தரேஷ்வரர் கோவில் அர்ச்சகர், ஸ்ரீ ஸ்கந்த குரு வித்யாலயம் முதல்வர் ராஜபட்டர், கும்பாபிஷேகம் செய்விக்கிறார்.  

அன்று  (ஜூலை., 11ல்) காலை, 10:30 மணிக்கு அன்னதானம் நடக்கிறது.விழாவின் ஒருபகுதி யாக,  தினமும் இரவு, 8:00 மணிக்கு கலை நிகழ்ச்சி நடக்கிறது. இன்று  (ஜூலை., 9ல்) இரவு, வெள்ளியம் பாளையம் வெற்றிவேலவன் குழுவின் வள்ளி கும்மியாட்டம், 10ம் தேதி, திருப்பூர் கொங்கு பண்பாட்டு மையம் ஈசன் பெருஞ்சலங்கை  ஆட்டக்குழுவின் பாரம்பரிய பெருஞ்சலங்கை ஆட்டம் நடக்கிறது.