கம்மாபுரம்: கம்மாபுரம் அடுத்த சி.கீரனுார் காலனி முத்துமாரியம்மன் கோவில் கும்பாபிஷேகம் நடந்தது.

கும்பாபிஷேகத்தையொட்டி, கடந்த 3ம் தேதி காலை 9:00 மணிக்கு விக்னேஸ்வர பூஜை, கோ.பூஜை, கணபதி ஹோமம், மாலை 6:00 மணிக்கு வாஸ்து சாந்தி, முதற்கால யாக பூஜைகள் நடந்தது.நேற்று முன்தினம் (செப்., 4ல்) காலை 7:00 மணிக்கு இரண்டாம் கால பூஜை, பிம்பசுத்தி, நாடிசந்தனம், காலை 9:30 மணியளவில் கடம்புறப்பாடு, தொடர்ந்து, கோவில் விமான கலசத்தில் புனித நீர் ஊற்றி கும்பாபிஷேகம் நடந்தது.