வெள்ளகோவில்: வெள்ளகோவில் வீரக்குமாரசுவாமி கோவில் முன், 18.83 லட்சம் ரூபாய் செலவில் கான்கிரீட் தளம் அமைக்கும் பணி நடக்கிறது.ஸ்ரீ வீரக்குமாரசுவாமி கோவில் வளாகத்தின் தேர் நிலையிலிருந்து முன்பகுதி வரை பள்ளம் மற்றும் மண், இருந்த பகுதியால் மழை நீர் சூழ்ந்து சேறும் சகதியுமாக காட்சி தந்தது. கோவிலுக்கு வரும் பக்தர்களுக்கு இடையூறாக இருந்தது. இதனால், கோவில் முன், 18 லட்சத்து 83 ஆயிரம் செலவில், தளம் அமைக்கும் பணி நடந்து வருகிறது.பக்தர்கள் வழிபட ஏதுவாக, வாகனங்கள் செல்லாத வகையில், பேரிகார்டு வைக்கப்பட்டும், ஒரு பகுதியில் செக்போஸ்ட் வைத்தும் கோவிலின் முன் பகுதி அடைக்கப்பட்டுள்ளது. கோவில் செயல் அலுவலர் ரத்தினம்பாள் மற்றும் கோவில் குலத்தவர்கள் செய்துள்ளனர்.