சென்னிமலை: சென்னிமலை, முருகன் கோவிலில் குருபெயர்ச்சியை முன்னிட்டு, யாக வேள்வி பூஜை நடந்தது. திருக்கணித பஞ்சாங்கப்படி குரு பகவான் கடந்த, 29ல் அதிகாலை, 3:49 மணிக்கு விருச்சிக ராசியில் இருந்து, தனுசு ராசிக்கு பிரவேசித்தார். அதை முன்னிட்டு, கொடுமுடி சென்று குருவார விழா கமிட்டியினர், காவிரியில் தீர்த்தம் எடுத்து வந்தனர்.

சென்னிமலை மலை மீதுள்ள முருகன் கோவிலில் அமைந்துள்ள, மார்கண்டேஸ்வரர் ஆலயத் தில் உள்ள தட்சிணாமூர்த்திக்கு நேற்று 30ம் தேதி காலை விநாயகர் வழிபாடு, ஹோமத்துடன் யாக வேள்வி பூஜை தொடங்கியது. தொடர்ந்து தட்சிணாமூர்த்தி, நவக்கிரக குருவிற்கு பல்வேறு திரவியங்களில் அபிஷேகம் நடந்தது. ஏராளமான பக்தர்கள் சுவாமி தரிசனம் செய்தனர்.