ரெகுநாதபுரம்: ரெகுநாதபுரம் வல்லபை ஐயப்பன் கோயிலில் மண்டல பூஜை விழா டிச.26, 27 ஆகிய இரு நாட்கள் நடக்கிறது.

இதையடுத்து இன்று டிச., 18ல் அதிகாலை 4:30 மணிக்கு கணபதி ஹோமம், அஷ்டாபிஷேகம், கொடியேற்றம் நிகழ்ச்சியும், மாலையில் பூதபலியும் நடக்கிறது.

டிச., 19 முதல் 25 வரை சிறப்பு பூஜைகளும், டிச. 26 வியாழன் மாலை பள்ளி வேட்டை புறப் பாடும், இரவு 9:00 மணிக்கு பள்ளி வேட்டையும், சயன நிகழ்ச்சியும் நடைபெறும்.

மறுநாள் டிச.27 வெள்ளியன்று காலை 8:00 மணிக்கு கோயிலில் இருந்து ஐயப்ப பக்தர்கள் புறப்பட்டு, ரெகுநாதபுரம் வீதிகளின் வழியாக ஆடிப்பாடி, வேடமிட்டு பேட்டை துள்ளலும், கோயில் அருகே உள்ள பஸ்மக்குளத்தில் உற்ஸவர் ஐயப்பனுக்கு ஆராட்டு செய்யப்படுகிறது.

காலை 10:00 மணிக்கு சன்னிதானத்தின் முன்புறம் கொடியிறக்கம் செய்யப்பட்டு, மகா அபி ஷேக ஆராதனைகளுக்கு பின் அன்னதானம் நடக்கிறது. ஏற்பாடுகளை தலைமை குரு சாமி மோகன் சுவாமி ரெகுநாதபுரம் வல்லபை ஐயப்ப சேவை நிலைய அறக்கட்டளை யினர் செய்து வருகின்றனர்.