மதுரை: மதுரை மேலமாசி வீதி மத்தியபுரி அம்மன் சமேத இம்மையிலும் நன்மை தருவார் கோயிலில் நாளை( மார்., 6) காலை 10:23 முதல் 10:30 மணிக்குள், திருக்கல்யாணம் நடைபெற உள்ளது.

மதுரை இம்மையிலும் நன்மை தருவார் கோயிலில் மாசிப்பெருவிழா, பிப்.,28ல் கொடியேற்றத்துடன் துவங்கியது.விழாவில் தினமும் சுவாமி வீதி உலா வந்து அருள்பாலித்து வருகின்றனர். விழாவில், ஆறாம் நாளான நேற்று(மார்.,4) இரவு ரிஷப வாகனத்தில் சுவாமி அம்பாள் திருவீதி உலா வந்து அருள்பாலித்தனர். விழாவை முன்னிட்டு, மார்ச் 6, காலை 10:23 முதல் 10:30 மணிக்குள், திருக்கல்யாணம் நடைபெற உள்ளது. இந்நிகழ்ச்சியை, தினமலர்  www.dinamalar.com இணையதளத்தில் நேரடி ஒளிபரப்பில் பார்க்கலாம். மார்.,9ம் தேதி பைரவர் பூஜையுடன் திருவிழா நிறைவு பெறுகிறது. சிவகங்கை சமஸ்தானம், மதுராந்தகிநாச்சியார் அவர்களின் நிர்வாக்த்திற்குட்பட்ட இக்கோயிலில், இளங்கோ, தேவஸ்தான மேலாளராகவும், சாம்ப சிவன் கவுரவ கண்காணிப்பாளராகவும், கணபதிராமன், கோயில் கண்காணிப்பாளராகவும் உள்ளனர். விழாவிற்கான ஏற்பாடுகளை ஸ்தல அர்ச்சகர் தர்மராஜ் சிவமும், கோயில் நிர்வாகத்தினரும் செய்து வருகின்றனர்.