திருபுவனை : மதகடிப்பட்டு அங்காளம்மன் கோவிலில் நேற்று நடந்த தேரோட்டத்தில் ஏராளமான பக்தர்கள் வடம் பிடித்து இழுத்தனர். மதகடிப்பட்டு அங்காளம்மன் கோவில் பிரம்மோற்சவ பெருவிழா கடந்த 27ம் தேதி கொடியேற்றத்துடன் துவங்கியது. தினமும் மாலை 3.00 மணிக்கு மூலவர் மற்றும் உற்சவர்களுக்கு அபிஷேக ஆராதனையும், இரவு பல்வேறு அலங்காரங்களில் அம்மன் வீதியுலா நடந்து வந்தது.  நேற்று முன்தினம் மதகடிப்பட்டு மயானத்தில் மயானக்கொள்ளையும், இரவு அக்னிகரகம், அம்மன் வீதியுலா நடந்தது. நேற்று பகல் 12.30 மணிக்கு அம்மன் தேரோட்டம் நடந்தது. ஆயிரக்கணக்கான பக்தர்கள் வடம் பிடித்து தேர் இழுத்து நேர்த்திக் கடன் செலுத்தினர். தேரோட்ட விழா ஏற்பாடுகளை கலிதீர்த்தாள்குப்பம் தி.மு.க.,முன்னாள் பகுதி செயலர் பழனி குடும்பத்தினர் செய்திருந்தனர்.