சென்னிமலை: சென்னிமலை யூனியன், முகாசிபிடாரியூர் அருகேயுள்ள, அத்தனூர் அம்மன் கோவில் கும்பாபிஷேக விழா, நேற்று முன்தினம் தொடங்கியது. இன்று கோபுர கலசம் வைத்தல், கும்ப அலங்காரம், முதல் கால யாக பூஜை நடக்கிறது. நாளை இரண்டாம் கால மற்றும் மூன்றாம் கால யாக பூஜை, வேதிகா பூஜை நடக்கிறது. 13ம் தேதி அதிகாலை, 4:30 மணிக்கு நான்காம் கால யாக பூஜையை தொடர்ந்து, 6:30 மணிக்கு ஸ்ரீசோமாஸ்கந்தர் விமானம், மூலவர் சோமாஸ்கந்தருக்கு கும்பாபிஷேகம் நடக்கிறது. இதையடுத்து ஸ்ரீஅத்தனூர் அம்மன் விமான கும்பாபிஷேகம், பரிவார மூர்த்தி கும்பாபிஷேகம், அத்தனூர் அம்மனுக்கு கும்பாபிஷேகம் நடக்கிறது.