கம்மாபுரம் : கம்மாபுரம் அடுத்த ஊ.கொம்பாடிகுப்பம் ஊ.பொன்னாலகரம் திரவுபதியம்மன் கோவில் தீமிதி உற்சவத்தில் ஏராளமானோர் தீமித்து, நேர்த்திக் கடன் செலுத்தினர்.

இதனையொட்டி, கடந்த 28ம்தேதி காப்பு கட்டுதல், கொடியேற்றம் நடந்தது. தினசரி காலை 8:00 மணிக்கு அம்மனுக்கு சிறப்பு அபிஷேக ஆராதனை, இரவு 7:00 மணிக்கு சுவாமி வீதியுலா, அரிச்சந்திரன் கதைப்பாட்டு நிகழ்ச்சி நடக்கிறது.நேற்று முன்தினம் காலை 6:00 மணியளவில் அரவாண் களபலி நிகழ்ச்சியும், காலை 8:00 மணிக்கு அம்மனுக்கு சிறப்பு அபிஷேக ஆராதனை, மாலை 5:00 மணியளவில் தீமிதி உற்சவத்தில் 300க்கும் மேற்பட்டோர் தீமித்து நேர்த்திக் கடன் செலுத்தினர். நேற்று மஞ்சள் நீர் உற்சவம் நடந்தது.