சபரிமலை: வைகாசி மாத பூஜைகளுக்காக, சபரிமலை நடை இன்று(மே 14) திறக்கப்படுகிறது.

சபரிமலை அய்யப்பன் கோவில் நடை, இன்று மாலை 5:00 மணிக்கு திறக்கப்படுகிறது. மேல்சாந்தி சுதிர் நம்பூதிரி நடை திறந்து விளக்கேற்றுகிறார்; வேறு பூஜைகள் இல்லை. இரவு, 7:30 மணிக்கு நடை அடைக்கப்படும். நாளை அதிகாலை, 5 மணிக்கு நடை திறக்கப்பட்டு, அபிஷேகம் நடைபெறும். கணபதி ஹோமம், உஷபூஜை, உச்சபூஜை நடத்தப்பட்டு, 10 மணிக்கு நடை அடைக்கப்படும்.  மாலை 5 மணிக்கு நடை திறக்கப்பட்டு, தீபாராதனை, அத்தாழ பூஜைக்கு பின், இரவு 7:30 மணிக்கு அடைக்கப்படும். மே, 19 இரவு, 7:30 மணிக்கு நடை அடைக்கப்படும். கொரோனா காரணமாக, இந்த பூஜைகளிலும் பக்தர்களுக்கு அனுமதியில்லை. அதே நேரம், www.onlinetdb.com என்ற இணையதள முகவரியில் முன்பதிவு செய்து, ஆன்லைன் வழிபாடுகளை மேற்கொள்ளலாம் என, தேவசம் போர்டு அறிவித்துள்ளது.