திருக்கோவிலூர்: திருக்கோயிலூர் வீரட்டானேஸ்வரர் கோவிலில் பிரம்மாவுக்கு சிறப்பு வழிபாடு நடந்தது.வீரட்டானேஸ்வரர்

திருக்கோவிலூர், கீழையூர், வீரட்டானேஸ்வரர் கோவிலில் படைப்பு கடவுளான பிரம்மாவிற்கு தமிழ் மாத பிறப்பு அன்று ஒவ்வொரு மாதமும் சிறப்பு வழிபாடுகள் நடத்தப்பட்டு வருகிறது. அந்த வகையில் வைகாசி மாதபிறப்பை முன்னிட்டு நேற்று முன்தினம் மாலை 6:00 மணிக்கு கோவிலின் கருவறை வெளிச் சுவற்றின் உள்ள பிரம்மாவிற்கு மகா அபிஷேகம், சந்தன காப்பு அலங்காரம், ஷோடசோபவுபச்சார தீபாராதனை நடந்தது. இதில் பக்தர்கள் யாரும் கலந்து கொள்ளவில்லை. பக்தர்களின் ஜாதகம் மட்டும் வைத்து அர்ச்சனை செய்து வழிபாடு நடத்தப்பட்டது. அவ்வாறு செய்தால் திருமணத் தடை நீங்கி விரைவில் திருமணம் நடக்கும் என்பது பக்தர்களின் நம்பிக்கையாக உள்ளது.